Fýtboldan ÁCh-2026: AQSh quramasy Aýstralııadan basym tústi
ASTANA. KAZINFORM - Fýtboldan 2026 jylǵy álem chempıonatynda D tobynda synǵa túsip jatqan AQSh - Aýstralııa kezdesýi aıaqtaldy.
Alǵashqy týrda qos qurama jeńiske jetip, týrnır kestesindegi jaǵdaıyn birşama jaqsartyp alǵan edi. Degenmen bul topta qaısysy kósh basyna shyǵatynyn búgingi oıyn sheshetin.
Sondyqtan tóreshi ysqyryǵy estilgen sátten qarsylastar bir-biriniń qaqpasy mańynan jıi boı kórsetti.
Oıynnyń 11-mınýtynda aýstralııalyq Kemeron Býrgess óz qaqpasyna gol soǵyp aldy. Odan keıin AQSh quramasynyń gol soǵatyn birneshe múmkindigi boldy. Osyndaı sátterdiń birinde Aleks Frımen esepti ulǵaıta tústi.
Ekinshi kezeńde de oıyn qarqyndy ótti. Ekeýi de esepti ózgertetin qaýipti sátterdi uıymdastyrdy.
Aıta ketsek, qazirge deıin eki qurama qazirge deıin joldastyq kezdesýde eki márte kezdesti. Ekeýinde de AQSh quramasy jeńiske jetti. Bul joly da aýstralııalyq fýtbolshylar qarsylasynan sol esesin qaıtara alǵan joq.
Osylaısha AQSh quramasy qarsylasynan 2:0 esebimen basym túsip, bir týr buryn pleı-off satysyna joldama aldy.
Ekinshi týrda atalǵan topta 09:00-de Túrkııa - Paragvaı jasyl alańǵa shyǵady.
Endi bul topta aldaǵy týr oıyndary 26 maýsym kúni ótedi. Bul kúni 07:00-de AQSh - Túrkııa, Paragvaı - Aýstralııa kezdesýi ótedi.
Eske salsaq, budan buryn Meksıka óz tobynda kósh basyna shyqty.
