Fýtboldan ÁCh- 2022: Qazaqstan quramasynyń qarsylastary jaıly ne bilemiz
NUR-CULTAN. QazAqparat - Qazaqstan quramasynyń fýtboldan 2022 jylǵy álem chempıonaty irikteý satysyndaǵy qarsylastary jaıynda QazAqparat tilshisi jan-jaqty tarazylap kórgen edi.
Esterińizge sala ketelik, Qazaqstan D tobyna tústi. Qarsylastary - Frantsııa, Ýkraına, Fınlıandııa jáne Bosnııa jáne Gertsogovına quramalary.
Aıta keteıik, olardyń arasynda qazaqstandyq fýtbolshylar Frantsııa, Bosnııa jáne Gertsogovına quramalarymen kezdesip kórgen joq. Frantsııa 2018 jylǵy sońǵy álem chempıonatynda altynnan alqa taqqan. Al Bosnııa jáne Gertsogovına quramalary ortanqol qurama qatarynda sanalady.
Álem jurtshylyǵy Frantsııa quramasynyń áleýeti jaıynda jaqsy biledi. Bul qurama qazir FIFA reıtınginde ekinshi orynda tur. Frantsýz fýtbolshylary álem chempıonatynda 1998, 2018 jyldary jeńimpaz atansa, 2006 jyly kúmis, 1966, 1986 jyldarda qola júldege qol sozdy. Búgingi kúnderi qurama sapynda Pol Pogba, Olıve Jırý, Antýan Grızmann, Kılıan Mbappe sekildi kóptegen juldyzdar oıyn kórsetedi.
Qazaqstandyq fýtbolshylar Ýkraına quramasymen budan buryn tórt márte kezdesti. Onyń barlyǵynda álem chempıonatynyń irikteý satysynda joly túıisken. 2006 jylǵy álem chempıonatynda irikteý satysynda qazaqstandyqtar olarǵa óz alańynda 1:2 esebimen jeńilse, syrt alańda 0:2 esebimen ese jiberdi. Al 2006 jylǵy álem chempıonatynda óz alańynda 0:3 esebimen ese jiberip, syrt alańda 1:2 esebimen utylyp qaldy. FIFA reıtınginde Ýkraına 24 orynda tur.
Úshinshi qarsylas - Fınlıandııamen qazaqstandyq qurama budan buryn úsh márte kezdesti. Aldymen 2006 jyldyń 28 aqpanynda ótken joldastyq kezdesýde eki qurama 0:0 esebimen teń túsken edi. Oıyn sońynan keıingi penaltıde qazaqstandyqtar 3:1 esebimen jeńiske jetti. Al 2008 jylǵy Eýropa chempıonatynda irikteý satysynda fın fýtbolshylary Almatyda 2:0 esebimen basym tússe, óz alańynda 2:1 esebimen tize búktirdi. Fınlıandııa FIFA reıtınginde 38-orynda keledi.
Al qazaqstandyq qurama Bosnııa jáne Gertsogovınamen budan buryn kezdesken emes. Atalǵan qurama FIFA reıtınginde 83 orynǵa jaıǵasqan.
Eýropa qurlyǵyndaǵy irikteý kezeńi 2021jyldyń naýryzy men 2022 jyldyń naýryzy aralyǵynda bolady. Jarystyń fınaldyq satysy 2022 jyldyń 21 qarashasy men 18 jeltoqsan aralyǵynda ótkiziledi.
