Fýtboldan ÁCh-2022: Qazaqstan quramasynyń búgingi oıynyn qaıdan kórýge bolady
NUR-SULTAN. QazAqparat - Búgin, 4 qyrkúıekte fýtboldan 2022 jylǵy álem chempıonatyna irikteý satysynda tórtinshi oıynyn syrt alańda Fınlıandııaǵa qarsy ótkizedi, dep habarlaıdy QazAqparat tilshisi.
Oıyn elorda ýaqytymen 19:00-de bastalyp, «Qazsport» telearnasynan tikeleı efırde kórsetiledi.
Ótken týrda Qazaqstan elordada Ýkraınamen 2:2 esebimen teń tússe, Fınlıandııa sol kúni joldastyq kezdesýde Ýelspen 0:0 esebine qanaǵat bildirdi.
Aıta ketsek, buǵan deıin eki qurama úsh márte sheberlik baıqasty. 2006 jyly Kıprde ótken halyqaralyq týrnırde eki qurama negizgi kezeńde 0:0 esebimen teń oınap, penaltıde qazaqstandyq fýtbolshylar 3:1 esebimen jeńip ketti.
Odan keıin quramalar 2008 jylǵy irikteý kezeńinde jolyqty. Qazaqstan atalǵan qarsylasyna óz alańynda 0:2 esebimen jol berse, syrt alańda 1:2 esebimen ese jiberdi.
Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa.
Sondaı-aq, búgin atalǵan topta Ýkraına men Frantsııa quramasy sheberlik baıqasady.
Bul topta tórt oıynnan keıin 8 upaı jınaǵan Frantsııa kósh basynda keledi. Qazaqstan úsh oıynnan keıin 2 upaımen besinshi orynda tur.
