Fýtboldan ÁCh-2022: Qazaqstan quramasy sapynda Ýkraınaǵa qarsy kimder shyqty
NUR-SULTAN. QazAqparat - Búgin, 31 naýryzda fýtboldan 2022 jylǵy álem chempıonatyna irikteý satysynda cyrt alańda ótetin Ýkraına jáne Qazaqstan quramalary arasyndaǵy kezdesýde alǵashqy mınýttan jasyl alańǵa shyǵatyn oıynshylar belgili boldy, dep habarlaıdy QazAqparat tilshisi.
Qazaqstan quramasynyń bas bapkeri Talǵat Baısýfınov qaqpada Stas Pokatılovke senim artty. Al qorǵanysta Rýslan Valıýllın, Nuraly Álip, Sergeı Malyı, Aleksandr Marochkın, Tımýr Dosmaǵambetov , Aıbol Ábiken, Ashat Taǵybergen, Azat Nurǵalıev, Serikjan Mýjıkov oıyn kórsetedi. Al shabýylda Abat Aıymbetov sheberligin kórsetedi.
Ýkraına quramasynyń bas bapkeri Andreı Shevchenko qaqpaǵa Anatolıı Trýbındi shyǵarsa, qorǵanysta Aleksandr Zınchenko, Bogdan Mıhaılıchenko, Nıkolaı Matvıenko, Sergeı Krıvtsov, Aleksandr Karavaevqa senim artty. Jartylaı qorǵanysta Sergeı Sıdorchýk, Nıkolaı Shaparenko, Rýslan Malınovskıı shyqsa, shabýyl gebinde Jýnıor Moraes pen Roman ıAremchýk bar.
Qazaqstan men Ýkraına quramasy buǵan deıin tórt márte kezdesti. Olardyń barlyǵynda qarsylasymyzdyń mereıi ústem boldy.
Atalǵan oıynda slovenııalyq Mateı ıÝg bas tóreshi qyzmetin atqarady. Oǵan sol elden kelgen Mateı Jýnıch pen Grega Kordej kómekshi bolady. Qosalqy tóreshi de - slovenııalyq Slavko Vınchıch.
Sondaı-aq, búgin elorda ýaqytymen Bosnııa jáne Gertsogovına óz alańynda Frantsııany qabyldaıdy.
