Fýtboldan ÁCh-2022: Qazaqstan quramasy Bosnııa jáne Gertsogovınamen kezdesedi
NUR-SULTAN. QazAqparat - Búgin, 9 qazanda fýtboldan 2022 jylǵy álem chempıonatyna irikteý satysynda Qazaqstan quramasy altynshy oıynyn elordada Bosnııa jáne Gertsogovınaǵa qarsy ótkizedi, dep habarlaıdy QazAqparat tilshisi.
Oıyn elorda ýaqytymen 19:00-de bastalyp, «Qazsport» telearnasynan tikeleı efırde kórsetiledi.
Aıta ketsek, buǵan deıin eki qurama bir márte sheberlik baıqasty. Bıyl álem chempıonaty irikteý satysyndaǵy alǵashqy oıynda quramalar 2:2 esebine qanaǵat bildirdi.
Bosnııa jáne Gertsogvına buǵan deıin álem chempıonaty fınaldyq satysynda 2014 jyly baq synady. F tobynda Argentına, Nıgerııa jáne Iranmen sheberlik baıqasyp, úshinshi oryn aldy. Ázirge Eýropa chempıonaty fınaldyq satysynda oınap kórgen emes.
Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa.
Qazaqstan quramasy buǵan deıin bes oıyn ótkizdi. Úsheýinde teń nátıje tirkelip, ekeýinde qarsylastaryna ese jiberdi.
Bul topta tórt oıynnan keıin 8 upaı jınaǵan Frantsııa kósh basynda keledi. Qazaqstan úsh oıynnan keıin 2 upaımen besinshi orynda tur.
