Fýtboldan ÁCh-2018 ánuranyn kim oryndaıdy
ASTANA. QazAqparat - Halyqaralyq fýtbol federatsııasy Malýma laqap atymen tanylǵan kolýmbııalyq ánshi Hýan Arıasqa 2018 jyly Reseıde ótetin fýtboldan álem chempıonatynyń ánuranyn jazýdy usyndy.
Ispanııanyń belgili basylymy AS-tiń habarlaýynsha, 23 jastaǵy ánshi kelisimin bergen. Basylymnyń joramalyna qaraǵanda, ol ánurandy Pýeorto-Rıko ánshisi Bed Bannımen birge oryndaýy múmkin. Josparǵa sáıkes, ánuran jeltoqsan aıynda tapsyrylýy tıis.
Malýma - Latyn Amerıkasynyń jaryq juldyzy. Onyń El Perdedor ániniń beınebaıanyn «ıÝtýb» vıdeohostıngisinde mıllıardtan astam adam qaraǵan. Al Shakıramen oryndaǵan Chantaje atty dýeti 1,8 mlrd-tan astam kórermen jınaǵan.
