Fýtboldan ÁCh: 14 maýsymda qaı oıyndardy kóre alamyz
ASTANA. KAZINFORM — Fýtboldan 2026 jylǵy álem chempıonatynda 14 maýsymǵa alty oıyn belgilengen.
2026 jylǵy fýtboldan álem chempıonaty tarıhta alǵash ret birden úsh elde — AQSh, Kanada jáne Meksıkada ótedi. Týrnır matchtary 11 maýsym men 19 shilde aralyǵynda 16 qalada uıymdastyrylady. Sondaı-aq bul FIFA tarıhyndaǵy eń aýqymdy álem chempıonaty bolmaq.
Óıtkeni alǵash ret toptyq kezeńde 48 ulttyq qurama baq synaıdy.
Bul kúni V, S, D jáne E tobynda komandalar synǵa túsedi.
14 maýsym
V toby
00:00. Qatar — Shveıtsarııa. «Qazaqstan», «Qazsport»
C toby
03:00. Brazılııa — Marokko. «Qazaqstan», «Qazsport»
06:00. Gaıtı — Shotlandııa. «Qazsport»
D toby
09:00. Aýstralııa — Túrkııa. «Qazsport»
E toby
22:00. Germanııa — Kıýrasao. «Qazsport».
Aıta ketsek, qazirge deıin álem chempıonatynda tórt oıyn ótkizildi.
Aldymen A tobynda Meksıka Ońtústik Afrıkany 2:0, Ońtústik Koreıa Chehııany 2:1 esebimen jeńdi.
Al V tobynda Kanada — Bosnııa jáne Gertsogovına 1:1 esebine qanaǵat bildirse, AQSh quramasy Paragvaıdy 4:1 esebimen tize búktirdi.
Eske sala keteıik, týrnırdi úsh memleket qabyldaǵanymen, matchtardyń basym bóligi AQSh-ta uıymdastyrylady. Munda barlyǵy 78 oıyn ótedi. Al Kanada men Meksıkada 13 matchtan ótkiziledi.
