Fýtboldan 29 jyl umyt qalǵan báseke qaıta jańǵyrtylady
NUR-SULTAN. QazAqparat - Fýtboldan Eýropa jáne Ońtústik Amerıka qurlyqtarynyń chempıondary umyt qalǵan báseke 29 jyldan keıin qaıta jańǵyrtady, dep habarlaıdy QazAqparat tilshisi.
Aıta ketsek, atalǵan týrnır 1985, 1993 jyldarda eki márte ótkizildi. Onda Eýropa jáne Ońtústik Amerıka qurlyqtyq birinshiliginde chempıon atanǵan quramalar ózara sheberlik baıqasty.
FIFA talaby boıynsha jarys árbir tórt jylda álem chempıonatynyń qarsańynda ótkizý josparlanǵan edi. Ol 1972-1983 jyldarda UEFA basshysy bolǵan Artemıo Frankıdiń qurmetine arnaldy.
1985 jyly Frantsııa men Ýrýgvaı quramalary kezdesti. Onda frantsýz fýtbolshylary qarsylastaryn 2:0 esebimen súrindirdi.
Al 1993 jyly Argentına men Danııa oınap, negizgi kezeń 1:1 esebimen teń aıaqtaldy. Penaltıden argentınalyq fýtbolshylar 5:4 esebimen basym tústi.
Eki qurlyqtyń fýtbol salasynyń basshylary atalǵan básekeni qaıta jańǵyrtý jóninde kelisimge keldi. Nátıjesinde 2022 jyldyń 1 maýsymynda Anglııa astanasy London qalasyndaǵy «Ýemblı» stadıonynda Italııa jáne Argentına quramalary oınaıdy.
Eske salsaq, Itlaııa quramasy 2021 jyly Eýropa chempıony ataǵyn jeńip aldy.
Al Argentına sol jyly Amerıka kýbogynda top jardy.
