Fýtboldan 21 jasqa deıingi Qazaqstan men Belarýs quramalarynyń joldastyq kezdesýi 0:0 esebimen aıaqtaldy
ALMATY. 2 naýryz. QazAqparat - Keshe Túrkııanyń Belek qalasynda fýtboldan Qazaqstan men Belarýs elderiniń 21 jasqa deıingi jastar quramalary joldastyq kezdesý ótkizdi.
Slobodan Krchmarevıch jattyqtyratyn qazaqstandyqtar Shvetsııanyń «Freı Tabı» komandasynda óner kórsetetin Fılıpp Voıtehovıch qorǵaǵan belarýstar qaqpasynan sańylaý taba almady. Buǵan deıin 29 tamyzda Antalııada Mıroslav Beranek baptaıtyn eresekter arasyndaǵy ulttyq qurama da Latvııamen 0:0 esebin qanaǵat tutqan bolatyn.
Bul oıynda S. Krchmarevıch el namysyn qorǵaýdy qaqpashylardan -«shahterlik» Sergeı Tkachýkke; qorǵaýshylardan - «astanalyq» Abzal Beısebekov, Damır Dáýitov, Evgenıı Gorıachıı, «ertistik» Dmıtrıı Shomko, «qaırattyq» Nurjaryq Qunov; jartylaı qorǵaýshylardan - «qaısarlyq» Ashat Taǵybergen, «astanalyq» Islambek Qýat, «oqjetpestik» Hasan Ábdikárimov; shabýylshylardan - «shahterlik» Sergeı Hıjnıchenko, Stanıslav Lýnın, «astanalyq» Denıs Prokopenko, «tobyldyq» Baýyrjan Jolshıev, «aqtóbelik» Sergeı Lısenkov pen «jetisýlyq» Alekseı Şetkınge senip tapsyrǵan bolatyn.
