Fýtboldan 2028 jáne 2032 jyldarda Eýropa chempıonaty ótetin memleketter anyqtaldy
Fýtboldan 2028 jáne 2032 jyldarda Eýropa chempıonaty ótetin memleketter anyqtaldy, dep habarlaıdy Kazinform.
ÝEFA atqarý komıteti otyrysynda aldaǵy eki qurlyqtyq dodany qabyldaıtyn elder belgili boldy.
2028 jyly dúbirli dodany Anglııa, Ýels, Shotlandııa, Soltústik Irlandııa jáne Irlandııa birlesken túrde qabyldaıdy. Al 2032 jyly bul báseke Italııa men Túrkııa jerinde ótkiziledi.
2028 jyly oıyndar Belfast, Bırmıngem, Kardıff, Dýblın, Glazgo, Lıverpýl, London, Manchester jáne Nıýkasl qalalarynda bolady.
Italııa men Túrkııada ázirge oǵan barlyǵy 20 stadıon usynylyp otyr. 2026 jyly qazan aıynda olardyń arasynan ony iriktelip alynady. Ol uıymdastyratyn memleketterge bes-besten bólinedi.
Aıta ketsek, budan buryn bir chempıonattyń eki memlekette ótkizilýi úsh márte tirkeldi. Ol 2000 jyly Belgııa men Nıderlandta ótse, 2008 jyly Avstrııa men Shveıtsarııada, 2012 jyly Polsha men Ýkraınada boldy.
Sondaı-aq, buǵan deıin Italııa 1968 jáne 1980 jyldarda eki márte qabyldap úlgerdi.
Aldaǵy 2024 jylǵy Eýropa chempıonaty Germanııada jalaýyn kóteredi.
Eske salsaq, budan buryn Saıan Hamıtjanov «Astana» fýtbol klýby basshylyǵyna oraldy.
