Fýtboldan 2026 jylǵy álem chempıonatyn ótkizý tártibi bekitildi

ASTANA. QazAqparat – Halyqaralyq fýtbol federatsııasynyń (FIFA) basshylyq keńesi 2026 jylǵy álem chempıonatynyń ótý tártibin bekitti, dep habarlaıdy QazAqparat.

FIFA-nyń baspasóz qyzmetinen málim etkenindeı, 2017 jyly atalmysh uıym 2026 jylǵy dúnıejúzilik dodaǵa alǵash ret 48 komandanyń qatysatynyn jarııa etken edi.

Týrnırdiń toptyq básekesi 72 matchtan turady. 12 toptyń árqaısysyna tórt quramadan bólinedi. Ár toptan eki qurama, sondaı-aq úshinshi oryn alǵandar arasynan 8 úzdik komanda 1/16 fınalǵa joldama alady. Jarysta barlyǵy 104 oıyn ótkiziledi.

Buryn álem birinshiligine 32 qurama qatysyp, 64 match oınalatyn edi.

Doda 56 kúnge sozylmaqshy. Fınal 2026 jylǵy 19 shildege belgilendi. Álem chempıonaty tuńǵysh ret úsh elde: Kanada, AQSh jáne Meksıkada ótedi.

Eske sala keteıik, budan buryn Kılıan Mbappeniń «PSJ» komandasynyń 3 myńynshy golyn soqqanyn jazǵan bolatynbyz.