Fýtboldan 2026 jylǵy álem chempıonaty úsh elde ótýi múmkin
ASTANA. QazAqparat - Fýtboldan 2026 jylǵy álem chempıonatyn úsh el ótkizýi múmkin. Bul týraly FIFA prezıdenti Djannı Infantıno «Associated Press» aqparat agenttigine bergen suhbatynda habarlady.
FIFA basshysynyń aıtýy boıynsha, 10 jyldan keıin ótetin dop dodasy AQSh, Kanada men Meksıka elderinde qatar ótýi múmkin. Qazirgi tańda atalǵan elder álem chempıonatyn ótkizýge ótinishterin daıyndap úlgergen uqsaıdy. Sondaı-aq qatysýshy quramalar sanyn 40-qa deıin jetkizý de Djannı Infantıno josparynda bar eken, dep jazady massaget.kz.
«Men álem chempıonatyna 40 qurama qatysqanyn qalaımyn. Bul jeke kózqarasym ǵana. Aldaǵy ýaqytta talqylaý kerek. Taǵy 8 quramanyń qosylýy arqyly, fýtbol damyp, budan da tanyla túsedi dep oılaımyn. Qyzyǵy da arta túsedi. Munyń dáleli retinde Frantsııada ótken Eýropa chempıonatyn mysalǵa keltirýge bolady», - dedi Djannı Infantıno.
Aıta keteıik, fýtboldan 2018 jylǵy álem chempıonaty Reseıde bolsa, 2022 jylǵy doda Katarda ótedi.
