Fýtboldan 2026 jylǵy álem chempıonaty: ekinshi oıyn kúniniń matchtary qashan ótedi
ASTANA. KAZINFORM - Fýtboldan 2026 jylǵy álem chempıonatynyń toptyq kezeńindegi ekinshi oıyn kúniniń matchtary bastalady.
Aldaǵy túnde jáne tańerteń Qazaqstan ýaqytymen eki kezdesý ótedi.
V tobynda týrnırdi qabyldaýshy elderdiń biri — Kanada quramasy Bosnııa jáne Gertsegovınamen kezdesedi. Match Toronto qalasynda ótedi. Bosnııa jáne Gertsegovına quramasynyń sapynda elordalyq «Astana» klýbynda óner kórsetetin Ivan Bashıch te bar. Kezdesý Qazaqstan ýaqytymen túngi 00:00-de bastalady.
Tańerteń D tobynyń quramalary alǵashqy oıyndaryn ótkizedi. Týrnır qojaıyndarynyń biri AQSh quramasy Los-Andjeleste Paragvaımen kúsh synasady.
13 maýsym. Qazaqstan ýaqyty boıynsha matchtar kestesi:
- 00:00 — Kanada – Bosnııa jáne Gertsegovına
- 06:00 — AQSh – Paragvaı
Qazaqstan aýmaǵynda álem chempıonaty matchtaryn Qazaqstan jáne Qazsport telearnalary tikeleı efırde kórsetedi.
Aıta keteıik, keshe fýtboldan 23-shi álem chempıonatynyń ashylý saltanaty ótti.
