Fýtboldan 2022 jylǵy Álem chempıonaty: Eýropalyq irikteýdiń erejesi bekitildi
NUR-SULTAN. QazAqparat - Fýtboldan 2022 jylǵy Álem chempıonaty eýropalyq irikteý kezeńin ótkizý jospary belgili boldy, dep habarlaıdy QazAqparat tilshisi Qazaqstan fýtbol federatsııasyna silteme jasap.
Jarys erejesine sáıkes, quramalar on topqa bólinedi. Olardyń beseýinde alty quramadan bolady. Qalǵanynda bes qurama baq synaıdy. Іrikteý kezeńinde olardyń árbiri ózinde jáne syrt alańda qarsylasymen kezdesedi. Top jeńimpazdary Álem chempıonatynyń fınalyna tikeleı joldama alady. Ekinshi oryn ıegerleri jáne Ulttar lıgasynda ozyq shyqqan eki qurama ótpeli kezeń oıyndarynda óner kórsetedi. Úsh jeńimpaz dúbirli dodaǵa qatysý múmkindigine qol jetkizedi.
Esterińizge sala ketelik, Álem chempıonatynyń fınaldyq kezeńi 2022 jyldyń 21 qarashasy men 18 jeltoqsanynda Katar memleketinde ótkiziledi. Jarystyń bul satysynda barlyǵy 32 qurama baq synaıdy.
Budan buryn fýtboldan bıylǵy Ulttar lıgasynyń ótetin merzimi anyqtaldy.
