Fýtboldan 2020 jylǵy Eýropa chempıonatyna bılet satý bastaldy
NUR-SULTAN. QazAqparat - Keshe, 12 maýsym kúni fýtboldan 2020 jylǵy Eýropa chempıonatynyń bıletteri satylymǵa shyǵaryldy. Ótinimder bir aı boıy qabyldanyp, bılet ıesi jerebe arqyly anyqtalady, dep habarlaıdy QazAqparat ÝEFA-nyń resmı saıtynda silteme jasap.
Uıymdastyrýshylar fýtbol jankúıerlerine 1,5 mıllıon bılet satýdy josparlap otyr. 2019 jylǵy 12 maýsymnan 12 shildege deıingi aralyqta berilgen ótinimder boıynsha jerebe salynyp, jeńimpazdar anyqtalady.
Bıletterdiń qalǵan bóligi týrnır jaqyndaǵan tusta satylymǵa shyǵarylady. Jekelegen quramalardyń oıynyna bıletter sol qurama komandalardyń talaptaryna jaýap beretin jankúıerlerine ǵana satylady.
Oıyndar Eýropanyń 12 qalasynda ótedi. Olar: Amsterdam, Baký, Bılbao, Býdapesht, Býharest, Glazgo, Dýblın, Kopengagen, London, Mıýnhen, Rım jáne Sankt-Peterbýrg.
