Fýtboldan 2020 jylǵy Eýropa chempıonaty fınaldyq kezeńiniń jerebesi tartyldy
NUR-SULTAN. QazAqparat - Búgin Rýmynııa astanasy Býharest qalasynda 2020 jylǵy Eýropa chempıonaty fınaldyq kezeńiniń jerebesi tartyldy, dep habarlaıdy QazAqparat tilshisi.
Jerebe tartý nátıjesi boıynsha quramalar tómendegi toptarǵa bólindi. A tobynda Italııa, Shveıtsarııa, Túrkııa, Ýels, V tobynda Belgııa, Reseı, Danııa, Fınlıandııa, S tobynda Ýkraına, Gollandııa, Avstrııa, Ulttar lıgasy D tobyndaǵy pleı-off kezeńiniń jeńimpazy, D tobynda Anglııa, Horvatııa, Chehııa, Ulttar lıgasy S tobyndaǵy pleı-off kezeńiniń jeńimpazy, E toby Ispanııa, Polsha, Shvetsııa, Ulttar lıgasy V tobyndaǵy pleı-off kezeńiniń jeńimpazy, F tobynda Germanııa, Frantsııa, Portýgalııa, Ulttar lıgasy A tobyndaǵy pleı-off kezeńiniń jeńimpazy synǵa túsedi.
Esterińizge sala ketelik, qurlyqtyq dodanyń fınaldyq satysyna barlyǵy 24 qurama qatysady. Búgingi kúnge deıin jarystyń irikteý satysynda árbir topta birinshi jáne ekinshi oryndarǵa ıe bolǵan 20 qurama belgili. Endi olardyń qataryna Ulttar lıgasy boıynsha jeńimpaz atanǵan 4 qurama qosylady.
Eýropa chempıonaty fınaldyq kezeńi óz tarıhynda tuńǵysh ret káriqurlyqtyń 11 memleketinde 12 maýsym -12 shilde aralyǵynda ótkiziledi.
Bul shara atalmysh týrnırdiń 60 jyldyq mereıtoıy qurmetine oraılastyrylyp otyr. Alǵash ret Eýropa chempıonaty 1960 jyldyń 6-10 shilde aralyǵynda jalaýyn kótergen bolatyn. Sol jyly týrnırdiń fınaldyq kezeńinde bar-joǵy 4 qurama ǵana baq synady.
Esterińizge sala ketelik, fýtboldan Qazaqstan quramasy 2020 jylǵy Eýropa chempıonaty irikteý satysynda I tobynda Belgııa, Reseı, Shotlandııa, Kıpr jáne San-Marıno quramalarymen sheberlik baıqasty. Nátıjesinde 10 upaı jınap, óz tobynda besinshi orynǵa turaqtady.
