Fýtboldan 2016 jylǵy Olımpıadaǵa alǵashqy joldamany Argentına quramasy aldy
ASTANA. QazAqparat - Argentına quramasy Ýrýgvaıda ótken Ońtústik Amerıkanyń bozbalalar arasyndaǵy (20 jasqa deıin) chempıonattyń jeńimpazy atanyp, 2016 jylǵy Olımpıada oıyndarynyń fýtbol jarysyna birinshi joldamany jeńip aldy, dep jazady sheteldik BAQ.
Olımpıada oıyndary alaýynyń estafetasy Brazılııanyń 250 qalasynda bolady. Montevıdeodaǵy fınaldyq aınalym jarysynyń sońǵy oıynynda argentınalyqtar jarys ıelerin 2:1 esebimen jeńip, 13 upaı aldy.
Bul jarysta 2016 jyly Rıo-de-Janeıroda ótetin Olımpıada oıyndaryna bir joldama oınaldy. 9 upaı alyp, ekinshi orynnan kóringen Kolýmbııa quramasy Olımpıada oıyndaryna lıtsenzııany jeńý úshin Soltústik jáne Ortalyq Amerıka jáne Karıb basseıniniń fýtbol konfederatsııasynyń atynan shyǵatyn komandamen baq synaıdy.
Úshinshi oryndy Ýrýgvaı komandasy (8 upaı), tórtinshini orynnyń ıesi Brazılııa (7 upaı) quramasy. Aıta keteıik, brazılııalyqtar Olımpıadaǵa alań qojaıyny quqyǵyn paıdalanyp qatysady.
