Fýtboldan 2014 jylǵy álem chempıonatynyń bıletterin zańsyz qaıta satqandar qamaýǵa alyndy
ASTANA. QazAqparat - Brazılııa polıtsııasy 11 adamdy qamaýǵa alyp, fýtboldan álem chempıonatynyń bıletterin zańsyz qaıta satýǵa qatysy bar halyqaralyq topty áshkereledi.
Bı-bı-sı habarlaǵandaı, jedel áreket etýshiler kompıýterler, telefondar men júzdegen bıletterdi tárkiledi. Olardyń birqatary kommertsııalyq demeýshilerge, úkimettik emes uıymdarǵa, tipti Brazılııa quramasynyń ákimshiligine tıisti bolǵan.
Polıtsııanyń málimetteri boıynsha, qamaýǵa alynǵandardyń birinen Halyqaralyq fýtbol federatsııasy múshelerine ǵana arnalǵan ruqsat qaǵazy tabyldy.
