Fýtboldan 2014 jylǵy álem chempıonatynyń 180 myńǵa jýyq bıleti 4 maýsymnan saýdaǵa túsedi
ASTANA. QazAqparat - Fýtboldan 2014 jylǵy álem chempıonatynyń 64 oıynynyń 180 myńǵa jýyq bıleti 4 maýsymnan bastap saýdaǵa túsedi. Bul týraly ITAR-TASS Fýtbol qaýymdastyǵynyń halyqaralyq federatsııasyna (FIFA) silteme jasap habarlady.
Bıletter FIFA saıtynda, sondaı-aq 12 brazılııalyq qalada satylady.
2014 jylǵy álem chempıonaty 12 maýsymnan 13 shilde aralyǵynda Brazılııada ótedi. 2002 jyldan alǵash ret týrnırge Reseı quramasy qatysady. Reseılikter H tobyna tústi, olar Ońtústik Koreıamen (18 maýsym, Kýıaba), Belgııa (22 maýsym, Rıo-de-Janeıro) jáne Aljır (27 maýsym, Kýrıtıba) quramalarymen kezdesedi.
