Fýtboldan 2014 jylǵy Álem chempıonatyna baratyn qazaqstandyq týrıster úshin jadynama jasaldy
ASTANA. QazAqparat - Brazılııanyń ózine tán ereksheligin, sonyń ishinde eldegi krımınogendik jaǵdaıdy eskere otyryp, QR Indýstrııa jáne jańa tehnologııalar mınıstrliginiń Týrızm ındýstrııasy komıteti QR Syrtqy ister mınıstrligimen birlese otyryp, 2014 jylǵy fýtboldan Álem chempıonatyna baratyn qazaqstandyq týrıster úshin jadynama ázirledi, dep habarlady Komıtettiń baspasóz qyzmeti.
Osy jylǵy 12 maýsym men 13 shilde aralyǵynda Brazılııada 2014 jylǵy fýtboldan Álem chemıonaty ótedi. Álem chempıonaty-2014 oıyndary 12 brazılııalyq qalada júrgiziledi, olardyń kópshiligi bir-birinen edáýir qashyqta.
Qolynda bıleti bar nemese bılet satyp alatynyn týraly qýattaý qaǵazdary bar adamdar qarapaıym tártippen vızaǵa ótinish beredi. Olar úshin ótinimderdi qaraýdyń basymdyqty tártibi jáne konsýldyq alymdardan bosatý kózdelgen.
Týrnır matchtary myna stadıondarda ótedi: Ulttyq stadıon (Brazılıa q., Federaldyq okrýg), Mıneıran (Belý-Orızontı q., Mınas-Jeraıs shtaty), Arena Pantanal (Kýıaba q., Matý-Grossý shtaty), Arena Baıshada (Kýrıtıba q., Parana shtaty), Kastelan (Fortaleza q, Seara shtaty), Amazonııa (Manaýs q., Amazonas shtaty), Arena das Dýnas (Natalq., Rıý-Grandı-dý-Nortı shtaty), Beıra-Rıo (Portý-Alegrı q., Rıý-Grandı-dý-Sýl shtaty), Pernambýký arenasy (Resıfı, Pernambýký shtaty), Marakana (Rıo-de-Janeıro q., Rıo-de-Janeıro shtaty), Fonte-Nova (Salvador q., Baııa shtaty), Arena Korıntıans (San-Paýlý q., San-Paýlý shtaty).
Brazılııa úkimeti men FIFA Atqarý komıteti arasyndaǵy ýaǵdalastyqqa sáıkes 2014 jylǵy Álem chemıonaty jeke is-shara retinde ǵana qarastyrylady. Sporttyq jarystardy uıymdastyrýmen, bıletterdi satý jáne taratýmen, ÁCh-2014 sharalaryn medıalyq jarııalaýmen baılanysty basqa da barlyq máseleler FIFA quzyretine jatady.
Shyǵý rejımi
Brazılııaǵa baratyn Qazaqstan azamattary úshin týrıstik vıza rásimdeý qajet. Vızany rásimdeý merzimi - qujattardy tapsyrǵan sátten bastap - 14 kún.
Sondaı-aq jadynamada Týrıstik vıza alý úshin qujattar tizimi, Kýrıtıba qalasy áýejaıynyń jumys rejımi, sanıtarlyq-epıdemııalyq talaptar, konsýldyq suraqtar qarastyrylǵan. Tolyq málimetterdi QR Indýstrııa jáne jańa tehnologııalar mınıstrliginiń Týrızm ındýstrııasy komıtetiniń saıtynan alýǵa bolady.
