Fýtboldaǵy jemqorlyq – «ıÝventýs» kelesi maýsymdaǵy oıyndardan shettetilýi múmkin

ASTANA. QazAqparat – Jemqorlyqqa qatysty daý-damaı saldarynan týrındik «ıÝventýs» kelesi Eýrokýbok oıyndaryna qatystyrylmaýy múmkin, dep habarlaıdy QazAqparattyń menshikti tilshisi.

BAQ-ta ıtalııalyq grandtyń qarjy isterin ÝEFA tekserip jatyr degen aqparat tarady. Eger «ıÝventýstyń» kinási dáleldense, ÝEFA-nyń adal oıyndar komıteti komandany kelesi maýsymda Eýrokýbok oıyndarynan keminde 1 jylǵa shettetýi múmkin.

Qazirgi ýaqytta «ıÝventýs» Eýropa Lıgasynyń jartylaı fınalyna shyǵýǵa tyrysyp jatqan týrnır favorıtteriniń biri. Biraq Eýropa Lıgasynda jeńimpaz atanǵan kúnniń ózinde ÝEFA sheshim shyǵarsa, «eski senor» kelesi maýsymdaǵy dıskvalıfıkatsııadan qashyp qutyla almaıdy. Eger ıtalııalyqtar jeńimpaz atanyp, kelesi maýsymda oıynnan shettetilse, mundaı jaǵdaı Eýropa Lıgasy tarıhynda alǵash ret tirkeledi.

1993 jyly osyǵan uqsas jaǵdaı Chempıondar lıgasynyń jeńimpazy – frantsııalyq klýb «Olımpık Marsel»-men bolǵan edi. Týrnırdegi jeńisinen keıin, komanda basshylyǵynyń basqa frantsýzdyq klýb - «Valansen»-men kelisimi týraly belgili boldy. Saldarynan olar ÝEFA sýperkýbok oıyndary men qurlyqaralyq kýbok oıyndarynan shettetildi, sonymen qatar klýb 1993/94 jylǵy Chempıondar lıgasyna deıin qatystyrylǵan joq.

Biraq Eýropa Lıgasy jeńimpazdarynda mundaı jaǵdaı týrnır tarıhynda birinshi ret bolýy múmkin.

Alda «ıÝventýsty» Italııa Fýtbol federatsııasynyń appelıatsııalyq sotyndaǵy tyńdalym kútip tur. Italııa chempıonatyndaǵy qarjylyq feır-pleıdi buzǵany úshin «bıankonerrı»-den 15 upaı alynyp tastalǵan, biraq keıinirek qaıtaryldy.