Fýtboldaǵy jappaı tártipsizdikten 74 adam kóz jumdy
ASTANA. 3 aqpan. QazAqparat - Mysyrdyń Port Saıda qalasynda ótken jergilikti «Ál Nasrı» men Kaırlyq «Ál Ahlı» komandalarynyń arasyndaǵy fýtbol matchy qaıǵyly oqıǵaǵa ulasty.
«Alaman» ulttyq sport portalynyń málimetinshe, Mysyrdaǵy ulttyq birinshiliktiń bas favorıti sanalatyn «Ál Ahlıdi» alań ıeleri 3-1 esebimen jeńse de, buzaqylar fýtbol alańyna júgirip shyǵyp, matchtyń berekesin ketirdi. Qyryq myńnan asatyn jankúıerler Kaırlyq klýbtyń jankúıerlerin jazym etip, nátıjesinde 74 adam mert boldy. Sonymen qatar, tártipsizdik kezinde 178 adam aýyr jaraqat alsa, japa shekkenderdiń jalpy esebi 1400-ge jetken. Mysyr fýtbol federatsııasynyń basshysy eldegi ishki chempıonattyń birneshe kúnge toqtaıtynyn habarlaǵan. Buzaqylar munymen qoımaı, qalada ótip jatqan taǵy bir fýtbol matchynyń berekesin ketirdi. Japa shekken jankúıerler men «Ál Ahlı» komandasynyń basshylyǵyn tártip saqshylary arnaıy kóliktermen jáne áskerı ushaqtarmen Kaırǵa attandyrýda.
