FÝTBOL: Zınedın Zıdan bapker dıplomyn ıelendi
ASTANA. QazAqparat - Áıgili frantsýzdyq fýtbolshy, 1998 jylǵy álem chempıony jáne 2000 jylǵy Eýropa chempıony Zınedın Zıdan Pro sanaty boıynsha bapkerlik lıtsenzııany ıelendi. Endi ol óz betinshe jattyqtyrýshylyq qyzmetpen aınalysa alady, dep habarlaıdy sheteldik BAQ.
«Jattyqtyrýshy lıtsenzııasyn ıelengenimdi maqtan tutamyn. Mıssııam oryndaldy», dep jazady sportshy óziniń Instagram-daǵy paraqshasynda.
Eske sala keteıik, «Real» FK burynǵy oıynshysy ótken jyldyń qazan aıynda madrıdtik klýbtyń jastar quramasyn basqaryp júrgeninde lıtsenzııasyz jumys jasaǵany úshin úsh aı merzimge biliktiliginen aıyrylǵan edi. Artynsha, bul dıskvalıfıkatsııa Ispanııanyń sport mınıstrliginiń Appelıatsııalyq komıtetiniń sheshimine deıin keıinge qaldyryldy.
1998, 2000, 2003 jyldary FIFA-nyń «Álemniń úzdik fýtbolshysy» marapatyn ıelengen Zınedın qazir «Realdyń» jastar quramasyn jattyqtyrady.
