FÝTBOL: Zıdan «Realǵa» qandaı ózgeris ákeldi?
ASTANA. QazAqparat - Zınedın Zıdan «Real» bapkeri bolǵannan beri bes oıynnyń eshqaısysynda jeńilgen joq. Sizderdiń nazarlaryńyzǵa Zıdan ózgertken bes jańalyqty usynamyz, dep jazady .
ISKO NEGІZGІ QURAMDA
Isko bul maýsymda oıynǵa óte sırek shyǵatyn. Biraq Zıdan 23 jastaǵy fýtbolshyǵa úlken úmit artty. «Real» jankúıerleri «Malaganyń» burynǵy jartylaı qorǵaýshysynyń keremet oınaıtyndyǵyn eske túsire bastady. Zıdan kelgennen beri Isko alańda 379 mınýt oıyn kórsetti. Al Benıtestiń kezinde bar-joǵy 12 mınýt alańǵa shyqqan.
SENІMDІ HAMES
Hames Rodrıges osy maýsymdy sátsiz bastady. Kolýmbııalyq fýtbolshy Zıdannyń kelýimen alǵashqy eki oıynda negizgi quramǵa ilinbegen. Al odan keıin óziniń negizgi quramdaǵy zańdy ornyna qaıta oraldy. Endi ony eshkimge bermek emes. Garet Beıldiń jaraqaty oǵan negizgi quramǵa enýge kómegin tıgizdi. Endi 24 jastaǵy vallııalyq alańǵa oralǵan soń, Hamespen negizgi quramdaǵy orynǵa talasary sózsiz. «Espanolmen» (6-0) bolǵan oıynda ol «Real» úshin 8 qarashadan bergi alǵashqy golyn soqty.
MODRIChTІŃ ÓZ ORNYNA QAITYP KELÝІ
Zıdan kele salysymen alańnyń orta shebin Tonı Kroos pen Lýka Modrıchke senip tapsyrdy. Nemis alańda ortadan sál tómenge, horvat ortadan sál joǵary ornalasty. Karlo Anchelottıdiń kezinde de osylaı bolǵan. Jeksenbi kúni «Real» «Granadaǵa» qarsy oıynda matchtyń aıaqtalýyna sońǵy 5 mınýt qalǵanda 30 jastaǵy Modrıch alystan toǵyzdyqqa top etkizip, «koroldik klýbqa» jeńis ákeldi.
BENZEMANYŃ KÚShEıÝІ
Karım Benzema óziniń áriptesterine keremet kómektesip, bapkerlerdiń kózine túsip júr. Zızý komandaǵa kelgennen keıin Benzema jeti gol soqty. Alǵashqysy «Deportıvoǵa» qarsy oıynda saldy. Jeksenbide «Lıonnyń» burynǵy shabýylshysy «Granadaǵa» qarsy oıynda esep ashyp, osy maýsymda 18 oıynyn ótkizip, 19-golyn soqty.
KARVAHALЬDІŃ ORALÝY
Zıdan «Realdy» tek qana shabýylda ǵana jaqsartqan joq. Ol Karvahaldy Danılonyń ornyna qoıyp, burynǵy qalpyna keltirdi. Ispanııalyq fýtbolshy qatarynan eki matchta keremet oıyn kórsetti. Úsh nátıjeli pastyń avtory atandy. Tek jalǵyz oıynda ǵana negizgi quramǵa ilikpeı qaldy. Al ol match teń nátıjemen aıaqtalǵan edi. 24 qańtarda «Betıspen» (1-1) bolǵan oıynda «Real» jeńiske jete almady.
