Fýtbol juldyzdary Gaıtıde zardap shekkenderdi qoldaý úshin qaıyrymdylyq matchyn ótkizedi
ASTANA. Qańtardyń 22-si. QazAqparat - Fýtboldyń álemdik juldyzdary zilzala saldarynan zardap shekken Gaıtı turǵyndaryn qoldaý úshin qańtardyń 25-inde Lıssabonda qaıyrymdylyq matchyn ótkizedi.
Bul týraly Eýropalyq Fýtbol qaýymdastyqtarynyń odaǵynan habarlady. Bul oıynǵa frantsýzdyq Zınedın Zıdan men brazılııalyq Ronaldo bastamashy bolyp otyr. Osy eki fýtbolshymen kezinde Madrıdtiń «Realynda» birge óner kórsetken dostar komandasy portýgaldyq «Benfıka» klýbynyń juldyzdar komandasymen kúsh synaspaq.
Bul qaıyrymdylyq matchyna qatysýǵa kelisim bergenderdiń qatarynda brazılııalyq Kaka, Marselý men Lýsıaný, frantsýzdar Faben Bartez pen Krıstof Dıýgarrı, portýgaldyqtar Lýısh Fıgý, Fernandý Koýtý jáne Paýleta, ıspandyq Fernando Ierro, t.b. oıynshylar bar.
Matchqa ıtalıandyq arbıtr Per Lýıdjı Kollınna tórelik etetin boldy.
