Fýtbol: «Jetisý» men «Tobyl» teń tústi

ASTANA. QazAqparat – Búgin fýtboldan Premer-lıga komandalary arasyndaǵy el birinshiliginiń 4-týrynda «Jetisý» men «Tobyl» teń tústi, dep habarlaıdy QazAqparat tilshisi.

Ekinshi oıyn kúniniń alǵashqy kezdesýinde «Jetisý» men «Tobyl» sheberlik baıqasty.

Qazirge deıin komandalar jaǵdaıy túrlishe bolatyn. Alǵashqy úsh týrda birde-bir márte jeńilistiń aşy dámin tatpaǵan «Tobyl» kósh basynda turǵan edi. Al, eshqandaı upaıǵa ıe bola almaǵan «Jetisý» týrnır kestesinde sońǵy orynnyń birin mise tutty.

Soǵan qaramastan, oıyn basynan komandalar shabýyl shebine kóbirek kóńil bóldi. Nátıjesinde, 8-mınýtta «Tobyl» sapynan Iovan Ilıch esep ashyp ketti. Oǵan «Jetisý» qatarynan Rýslan Teverov 44-mınýtta bir golmen jaýap qaıyrdy.

Komandalar 1:1 esebine qanaǵat bildirdi.

Eske salsaq, budan buryn qyzylordalyq «Qaısar» syrt alańda aqatýlyq «Kaspııden» basym tústi.

Sondaı-aq, taǵy bir oıynda «Shahter» pen «Qaırat» teń nátıjege qanaǵat bildirdi.

Taǵy bir kezdesýde «Aqsý» «Maqtaraldy» jeńip ketti.

Endi «Aqtóbe» men «Qyzyljar» (Petropavl), «Atyraý» men «Oqjetpes» (Kókshetaý) jasyl alańǵa shyǵady. Atalǵan týrdy saǵat 19:00-de «Astana» men «Ordabasy» (Shymkent) komandalary túıindeıdi.