Fýtbol: «Jetisý» qatarynan eki márte jeńiske jetti

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 13-týrynda taldyqorǵandyq «Jetisý» Qaraǵandyda «Shahterden» basym tústi, dep habarlaıdy QazAqparat tilshisi.

Atalǵan kezdesýde taldyqorǵandyq klýb jınaqy qımyldaı bildi. Nátıjesinde 18-mınýtta Aslan Ádil alań ıeleri qaqpasyn dál kózdep, óz komandasyn alǵa shyǵardy.

Ekinshi kezeńde «Shahter» tarazy basyn teńestirýge umtyldy. Degenmen maqsatyna jete alǵan joq.

Osylaısha «Jetisý» qarsylasynan 1:0 esebimen basym tústi. Bul - taldyqorǵandyq klýbtyń qatarynan ekinshi jeńisi. Týrnır kestesinde toǵyzynshy orynǵa kóterildi.

Dál qazir birinshi kezeńnen keıin Aqsý» (Pavlodar oblysy) men «Ordabasy» (Shymkent) 0:0 esebimen teń túsip jatyr.

Sondaı-aq, «Astana» «Kaspııdi» 3:1 esebimen jeńse, «Qaırat» «Qyzyljardy» 3:0 esebimen tize búktirdi.

Al odan keıin «Atyraý» «Tobyldy» iri eseppen jeńdi.

25 maýsymda 18:00-de «Oqjetpes» (Kókshetaý) pen «Qaısar» (Qyzylorda), 20.00-de «Aqtóbe» men «Maqtaral» (Túrkistan oblysy) oınaıdy.