Fýtbol jattyǵýlaryn jasaýǵa arnalǵan tegin alańdar paıda bolady
ASTANA. QazAqparat - Elordada fýtbol jattyǵýlaryn tegin jasaýǵa bolatyn alańqaılar ashylady, dep habarlady www.24.kz.
Búginde jastar sporttyń bul túrimen 13 aýlalyq alańda shuǵyldanyp keledi. Jaqynda olardyń sany 17-ge deıin artady. Astana ákimi Áset Isekeshevtiń aıtýynsha, qazirgi tańda aýla aımaqtaryn kóriktendirý boıynsha arnaıy baǵdarlama ázirlenip jatyr. Onda balalarǵa arnalǵan alańqaılar men jattyǵý qurylǵylaryn qurastyrý qarastyrylǵan.
Aıtý kerek, bas qalada kásibı bapkerler balalar úshin fýtboldan tegin sabaqtar ótkizedi. Qazaqstan fýtbol federatsııasy bul jobany elimizdiń ózge de óńirlerinde júzege asyrýdy kózdep otyr.
«Bul aýlalarda búgingi tańda 300-den astam bala tárbıelenip jatyr. Tárbıe berip jatqandar - bizdiń Ulttyq quramamyzdyń burynǵy kásibı fýtbol lıgasynyń oıynshylary. Qazirgi tańda olar - bapkerler», - dedi Qazaqstan fýtbol federatsııasynyń prezıdenti Erlan Qojaǵapanov.
