Fýtbol: Jastarymyz germanııalyq klýbtan utylyp qaldy
ASTANA. QazAqparat - 21 jasqa deıingi Qazaqstan ulttyq quramasy germanııalyq «Kaızerslaýtern» klýbymen joldastyq kezdesý ótkizip, jeńilip qaldy, dep habarlaıdy QazAqparat tilshisi.
Match barysynda esepti alǵash bolyp Qazaqstan quramasy ashty. Fýtbolshylarymyzdan Maksım Fedın gol soǵyp, óz komandasyn alǵa shyǵardy. Ókinishke qaraı, odan keıin germanııalyq klýbtyń jastary qaqpaǵa 2 dop salyp, birinshi taımdy jeńispen aıaqtady.
Al oıynnyń ekinshi bóliginde Qazaqstan sapynan Oralhan Ómirtaev mergendigimen kózge túsip, esepti teńestirgenimen, qarsylastary da qarap qalmaı úshinshi golyn salyp, jeńisti qoldan julyp aldy.
Osylaısha, jerlesterimiz 3:2 esebimen utyldy.
