Fýtbol: Jastar quramasy syrt alańda Chernogorııany jeńdi
NUR-SULTAN. QazAqparat - Búgin fýtboldan 21 jasqa deıingi jastar arasyndaǵy Eýropa birinshiligi irikteý kezeńindegi altynshy topta Qazaqstan jastar quramasy syrt alańda Chernogorııamen kezdesti, dep habarlaıdy QazAqparat tilshisi.
Esterińizge sala ketelik, budan buryn bizdiń jastar bir oıyn ótkizip úlgerdi. Syrt alańda Farer araldaryn 3:1 esebimen tize búktirdi. Aıta keterligi, atalmysh topta búginge deıin bizdiń jastar ǵana eki oıyn ótkizgen.
Búgingi kezdesýde qazaqstandyq bapker Aleksandr Moskalenko alǵashqy mınýttan Muhamedjan Seısen, Sultan Saǵynaev, Raýan Orynbasar, Gevorg Nadjarıan, Oralhan Ómirtaev, Jan Álı Paırýz, Akmal Bahtııarov, Saǵadat Tursynbaı, Nurálı Álip, Adam Adahadjıev jáne Erkebulan Seıdahmetke senim bildirdi.
Búgingi kezdesýde Chernogorııa quramasy esep ashty. Oıynnyń bizdiń qurama oıynshysy Saǵadat Tursynbaı óz qaqpasyna gol soǵyp aldy. Budan keıin qos qurama da esepti ózgertýge kúsh saldy. Degenmen tablodaǵy esep 62-mınýtqa deıin ózgergen joq. Bul sátte Erkebulan Seıdahmet gol soqty. Qorytyndy esep 94-mınýtta belgilendi. Bizdiń qurama sapynan Ramazan Kárimov jeńis dobyn soqty.
Endi bizdiń fýtbolshylar kelesi oıynyn 6 qyrkúıekte óz alańynda Ispanııamen kezdesedi. Odan keıin 10 qyrkúıekte Izraıl jastaryn qabyldaıdy. Sondaı-aq, 15 qazanda syrt alańda Makedonııamen sheberlik baıqasady.
Foto: kff.kz
