Fýtbol: Jasóspirimder quramalary arasynda Eýropa chempıonaty irikteý týrnırleriniń jerebeleri tartyldy
ASTANA. Jeltoqsannyń 8-i. QazAqparat /Ernur Aqanbaı/ - Keshe ÝEFA-nyń shtab -páterinde fýtboldan jasóspirimder quramalary arasyndaǵy 2010/2011 jylǵy Eýropa chempıonaty irikteý týrnırleriniń jerebeleri tartyldy,
dep habarlaıdy QazAqparat.
Qazaqstan Fýtbol federatsııasynyń málimetinshe, Qazaqstannyń 19 jasqa deıingi jasóspirimder quramasy jerebe nátıjesinde biliktilik kezeńde Túrkııa, Islandııa jáne Ýels quramalarymen birge 1-shi topqa tústi. Toptaǵy matchtar keler jylǵy qarashanyń 20-sy men 25-i aralyǵynda Ýelste ótedi. Bul jas sanatyndaǵy Eýropa chempıonaty Rýmynııada ótedi. Sondyqtan da bul eldiń quramasy irikteý týrnırine qatysýdan bosatylǵan jáne fınalǵa avtomatty túrde joldama alǵan. Qalǵan komandalar birinshi irikteý kezeńinde 4 komandadan 13 topqa toptastyryldy. Toptarda alǵashqy eki oryndy ıelengen quramalar jáne úshinshi oryn alǵan kórsetkishteri úzdik eki komanda elıtaly kezeńdegi fınaldyq týrnırdiń jeti joldamasyna talasady.
Fýtboldan 17 jasqa deıingi quramalar arasyndaǵy Eýropa chempıonaty 2011 jyldyń jaz aıynda Serbııada ótedi. Іrikteý týrnırin ótkizý júıesi 19 jasqa deıingi quramalar úshin qarastyrylǵanmen birdeı. Qazaqstan jasóspirimderi quramasy jerebe boıynsha Rýmynııa, Belarýs jáne Lıhtenshteınmen birge 6-shy topta oınaıdy. Bul toptyń matchary aldaǵy jylǵy qyrkúıektiń 21-i men 26-sy aralyǵynda Belarýsta ótedi.
