Fýtbol: Japonııa 2021 jylǵy klýbtar arasyndaǵy álem chempıonatyn ótkizýden bas tartty

TOKIO. Kyodo News-QazAqparat - Japon fýtbol qaýymdastyǵy (JFA) elde koronavırýstyń taralýynan týyndaǵan shekteýlerge baılanysty 2021 jylǵy klýbtar arasyndaǵy álem chempıonatynan bas tartý týraly sheshim qabyldady, dep habarlaıdy QazAqparat Kyodo News agenttigine silteme jasap.

Japonııa uıymdastyratyn klýbtar arasyndaǵy álem chempıonaty 9-19 jeltoqsan aralyǵynda ótýi tıis edi. JFA óziniń 100 jyldyq mereıtoıy aıasynda týrnır uıymdastyrmaq bolǵan. Biraq olardyń bul sheshimin ózgertýge eldegi COVID-19 juqtyrǵandar sanynyń kóbeıýi jáne kórermenderdiń stendke kirýiniń belgisizdigi áser etti.

Olar Halyqaralyq fýtbol federatsııasyna (FIFA) bas tartqany týraly habarlady, qazir taraptar bul máseleni talqylap jatyr. Óıtkeni FIFA -da týrnırdi aýystyrýdyń rezervtik nusqalary joq.

Aıta keter bolsaq, Japonııa klýbtar arasyndaǵy álem chempıonatyn segiz ret qabyldady, týrnır sońǵy ret bul elde 2016 jyly ótti.