Fýtbol jankúıerleriniń tártipsizdiginen 5 adam zardap shekti
ASTANA. QazAqparat - Fýtbol jankúıerleri Argentına astanasynyń kóshelerinde tártipsizdikter uıymdastyryp, birneshe avtokólikterdi órtegen.
Dúısenbi kúni jergilikti telearna habarlaǵandaı, janjal Argentına birinshiliginiń tórtinshi dıvızıonynyń matchynda «Dok sýd» jáne «Deportıvo Laferrere» komandalarynyń arasyndaǵy oıynnyń sońǵy mınýttarynda bastalǵan. Kıkiljińdi 0:1 esebimen utylyp qalǵan «Dok sýd» klýbynyń jankúıerleri týyndatqan. Nátıjesinde tóreshi alańnan ketip qalýǵa májbúr bolǵan.
Stadıonnan shyqqan soń «Dok sýdtyń» ashynǵan jankúıerleri polıtseılerge tas laqtyryp, basshylar men qonaq komandanyń fýtbolısteriniń mashınalaryn órtegen. Buzaqylardy basý úshin tártip saqshylary kózden jas aǵyzatyn gaz ben rezeńke oqtardy paıdalandy.
Argentınalyq BAQ málimetteri boıynsha tártipsizdik saldarynan 5 adam zardap shekken.
