Fýtbol jankúıerleri qaqtyǵysyp, 15 adam ajal qushty
ASTANA. QazAqparat - Kongo Demokratııalyq Respýblıkasynyń Kınshase qalasynda eki fýtbol klýbynyń jankúıerleri qaqtyǵysyp, 15-teı adam qaza tapty, 20-dan astamy jaralandy, dep jazady vesti.ru.
Tártipsizdik Lýbýmbashı qalasynyń "Mazembe" komandasy men "Vıta klýb" komandasynyń arasyndaǵy oıyn kezinde bastalǵan. Qonaqtar 1:0 esebimen basym túskennen soń, oıyn sońynda jankúıerler alańǵa tas laqtyra bastaǵan. Tóreshi olardyń bul qylyǵynan keıin birneshe ret oıyndy toqtatýǵa májbúr boldy.
Jankúıerlerdiń arasynda bolǵan qaqtyǵys saldarynan stadıon qabyrǵalarynyń biri qulap túsken. Qyzbalyqqa boı aldyrǵan jankúıerlerdi taratý úshin polıtsııa qyzmetkerleri kóz jasaýratatyn gaz qoldanypty.
"Mazembe" FK Kongoda eń tanymal komanda sanalady. Ol Afrıka fýtbol konfederatsııasy (KAF) Chempıondar lıgasynyń 4 dúrkin chempıony atanǵan.
