Fýtbol jankúıerleri «Astana» oıynshylaryn qoldaý maqsatynda erekshe aktsııa daıyndaýda
ASTANA. QazAqparat - 3 qarashada Chempıondar Lıgasynyń toptyq kezeńi aıasynda elordalyq «Astana» klýby óz alańynda ıspandyq «Atletıko Madrıd» quramasyn qabyldaıdy. Match «Astana Arena» stadıonynda saǵat 21:00-de bastalady dep habarlady astana.gov.kz.
Elordalyq fýtbolshylardy qoldaý úshin 20 myńnan asa jankúıer jınalmaq. 29 qazandaǵy jaǵdaı boıynsha https://ticketon.kz/ saıty arqyly 20 myńǵa jýyq bılet satyp alyndy, al, 30 qazannan bastap bıletterdi qalanyń kassalarynan satyp alýǵa bolady.
Fýtbol jankúıerleri «Astana» oıynshylaryna qoldaý kórsetý úshin erekshe aktsııa uıymdastyrýda. Barlyq stadıon án oryndaıdy, kez-kelgen adam ándi supportastana.kz saıtynda daýys berý arqyly tańdaı alady. Sondaı-aq, baıqaýda úzdik aıqaılaýshy saıysy uıymdastyrylady. Baıqaýǵa ótinish 1 qarashaǵa saǵat 22:00 deıin qabyldanady. Nátıjesi 2 qarasha kúni belgili bolady.
Kórermender men jankúıerler stadıonda «Astana» fýtbol klýbynyń atrıbýttary men jankúıerlerine arnalǵan paıdaly zattardy ala alady. Stadıonǵa № 10, 12, 27, 4, 43, 51, 55 qoǵamdyq kólikter arqyly jetýge bolady.
Sonymen qatar, kórermender men jankúıerler úshin 6 meken-jaı boıynsha shattl avtobýstar uıymdastyrylady:
- «Qazaqstan» sport saraıynyń kólik turaǵy ( Qajymuqan k-si);
- «Haziret Sultan» meshiti (Qoshqarbaev k-si);
- «Nur Astana» meshiti (shyǵys jaǵyndaǵy kólik turaǵy);
- Elordalyq tsırk (Qorǵaljyn tasjoly boıyndaǵy kólik turaǵy);
- Q. Muńaıtpasov atyndaǵy stadıonnyń kólik turaǵy (Kenesary k-si);
- «Jastar» teatrynyń kólik turaǵy (burynǵy opera jáne balet teatry, Zataevıch k-si).
Arnaıy avtobýstardyń jol quny qoǵamdyq kólikterdiń jolaqysy baǵasymen birdeı. Jol júrý bıleti jaramsyz.
Qaıtar jolda Qabanbaı batyr dańǵylyndaǵy «Astana Arena» stadıony turaǵynda belgilengen shattldar men № 10, 12, 27, 28, 30, 40, 43, 51, 55, 61 marshrýt avtobýstary qatynaıdy.
Astana qalasy ІІD habarlaýynsha, sol kúni saǵat 19:00-den bastap match aıaqtalǵanǵa deıin qoǵamdyq kólik pen taksı qyzmetinen basqa kólikter úshin Qabanbaı batyr dańǵyly men Turan kóshesinde (Kerek-Jánibek handar dáne Hýseın ben Talal kósheleriniń qıylysy aralyǵy) jol qozǵalysy shekteledi. Usynylatyn aınalma jol - Orynbor kóshesi.
Qala turǵyndary men qonaqtary, Astana qalasynyń Halyqaralyq áýejaıyna jáne jaqyn mańaıdaǵy eldi-mekenderge jetý úshin jol júrý marshrýtyn aldyn ala josparlaý qajet.
Sizderge fýtbol match kezinde kólik qozǵalysy shekteýli kósheler men arnaıy shattldary jınaý beketteriniń tolyq kartasyn usynamyz.
