FÝTBOL: Jalmaǵambetov jańa komandasyn tapty
ASTANA. 10 aqpan. QazAqparat - Qazaqstan ulttyq quramasynyń burynǵy qorǵaýshysy Maksım Jalmaǵambetov jańa komandasyn tapty. Aldaǵy maýsymda bul oıynshyny «Astana-1964» klýbynan kóretin bolamyz, dep habarlaıdy alasharena.kz saıtynan.
Astana fýtbolynyń 29 jasar túlegi «Astana-1964» komandasynyń quramyn tolyqtyrdy. Sońǵy jıyndy Jalmaǵambetov sporttyq babyn saqtap turý maqsatynda osy klýbta ótkizdi. Al oqý-jattyǵý jıynynyń sońynda kelisimshart jasasýǵa kelisimin berdi. Kelisimshart bir jylǵa jaramdy.
Óziniń fýtbolshylyq karerasynda Maksım Jalmaǵambetov «Ekibastuz», «Jeńis» (Astana), «Jastar» (Astana), «Evrazııa» (Astana), «Jetisý» (Taldyqorǵan), «Ertis» (Pavlodar), "Ordabasy" (Shymkent) jáne «Astana» syndy klýbtardyń namysyn qorǵaǵan.
Tipti shetelde de dop teýip qaıtqan. Naqtyraq aıtsaq, 2008 jyly Belgııanyń "Antverpen" klýbynda jalǵa oınaǵan. Sońǵy maýsymdy "Ordabasy" sapynda ótkizip, 4 oıynda (44 mınýt) bir ret eskertý alǵan.
Qazaqstan ulttyq quramasynyń sapynda 2004 jyl men 2008 jyldyń aralyǵynda óner kórsetti. Bas komandamyzdyń jeıdesin 29 ret kıgen. Jalpy, Maksım ulttyq quramada eń kóp oıyn ótkizgen fýtbolshylardyń tiziminde (1992-2012 j) 11-orynda tur.
Oıynshynyń jetistikteri: «Jeńis» sapynda - Qazaqstan chempıony (2006 j.), Qazaqstan kýbogynyń ıegeri (2005 j.), «Ordabasy» sapynda Qazaqstan sýperkýbogynyń ıegeri (2012 j.).
