Fýtbol: Zepp Blatter fýtboldan Álem chempıonatynda azııalyq komandalardyń sanyn arttyrýǵa nıetti
ASTANA. 5 mamyr. QazAqparat - FIFA Halyqaralyq fýtbol federatsııasynyń basshysy Zepp Blatter Álem chempıonatynda azııalyq komandalar úshin kvotalardy arttyrý kerektigin málimdedi.
Bul týraly VVS habarlady.
Blatterdiń sózine qaraǵanda, chempıonatqa irikteý júıesi durys teńdestirilýi tıis. Sebebi, 2014 jyly Brazılııadaǵy Álem chempıonatyna qatysatyn 32 quramanyń 13-i Eýropanyń atynan, 6-sy Ońtústik Amerıkadan jáne tek tórteýi Azııadan shyǵatyn kórinedi. Atap aıtqanda, federatsııa tabysynyń jartysyna jýyǵyn (1 mlrd. AQSh dollarynan astam) azııalyq habar taratýshylar men demeýshiler qamtamasyz etedi eken.
Aıta keteıik, Álem chempıonatyna Sony jáne Hyundai kompanııalary demeýshilik etýde.
