Fýtbol: Zaınýtdınov TsSKA sapynda alǵashqy golyn soqty
NUR-SULTAN. QazAqparat – Qazaqstan ulttyq quramasynyń oıynshysy Baktıer Zaınýtdınov máskeýlik TsSKA sapynda alǵashqy golyn soqty, dep habarlaıdy QazAqparat tilshisi.
Máskeýlik komanda Reseı chempıonatynyń onynshy týrynda Ekaterınbýrgte jergilikti «Ýral» klýbymen alańǵa shyqty.
B.Zaınýtdınov 52-mınýtta esep ashty. Al 56-mınýtta qonaqtardan Konstantın Maradıshvılı mergendik tanytty.
Osylaısha 49-mınýtta ıslandııalyq qorǵaýshy Herdýr Magnýsson alańnan qýylyp, bir fýtbolshysy kem bolǵanyna qaramastan, TsSKA 2:0 esebimen jeńiske jetti.
Bul kezdesýden keıin 19 upaı jınaǵan máskeýlik klýb týrnır kestesinde úshinshi orynǵa kóterildi.
Budan buryn B.Zaınýtdınov TsSKA quramynda «Krasnodar» (1:1), «Ahmat» (3:0), «Spartak» (3:1), «Ýfa» (1:0) jáne «Lokomotıv» (0:1) komandalarymen matchta alańǵa shyqqan edi.
TsSKA Eýropa lıgasynyń toptyq kezeńinde de óner kórsetedi. Onda K tobynda «Dınamo» (Zagreb, Horvatııa), «Feıenoord» (Nıderlandy), «Volfsberg» (Avstrııa) komandalarymen synǵa túsedi. Demek, 22 jastaǵy B.Zaınýtdınovtiń Reseı birinshiligi ǵana emes, Eýropa alańdarynda kózge túse alatyndaı múmkindigi bar.
Eske sala keteıik, budan buryn fýtboldan Qazaqstan ulttyq quramasynyń oıynshylary belgili bolǵanyn jazǵan edik.
Solardyń qatarynda B.Zaınýtdınov ta shaqyrtý aldy. Mıhal Bılektiń shákirtteri 11 qazanda Almatyda Albanııamen, 15 qazanǵa qaraǵan túni syrt alańda Belarýs quramasymen oınaıdy.
