Fýtbol: «ıÝventýs» chempıondar lıgasynyń fınalyna shyqty
ORAL. QazAqparat - Fýtboldan ÝEFA-nyń chempıondar lıgasynyń jartylaı fınalynda Italııanyń «ıÝventýs» klýby óz alańynda Frantsııanyń «Monakosyn» qabyldap, 2:1 esebimen jeńiske jetti, dep habarlaıdy «QazAqparat» tilshisi.
«Match» telearnasynan tikeleı efırde kórsetkenindeı, oıyn barysynda qos komanda da baryn saldy. 3 mamyr kúni Monakoda ótken birinshi kezdesýde 2:0 esebimen (qos goldyń da avtory - argentınalyq shabýylshy Gonsalo Igýaın) jeńiske jetkenine qaramastan, «ıÝventýstyń» bas bapkeri Massımılıano Allegrı barlyq kúshti oıynshylaryn alańǵa shyǵardy. Al óz alańynda jeńilis tapqan «Monakoǵa» sheginer jer joq edi. Sondyqtan olarǵa alǵa umtylýǵa týra keldi. 5-mınýtta Frantsııanyń jas juldyzy, 18 jasar Kılıan Mbappe-Lottın tepken dop qaqpa baǵanasyna tıip, keri serpildi. Oǵan umtylǵan kolýmbııalyq Radamel Falkao oıynnan tys qaldy.
22-mınýtta G.Igýaın óz múmkindigin paıdalana almasa, úsh mınýttan keıin horvatııalyq shabýylshy Marıo Mandjýkıch «Monakonyń» qaqpashysy, óziniń otandasy Danıel Sýbashıchpen betpe-bet shyǵyp, gol soǵa almaı qaldy. Degenmen 33-mınýtta dál sol Mandjýkıch «ıÝventýstyń» ataqty qaqpashysy Djanlýıdjı Býffon bastaǵan shabýyldy aıaǵyna deıin jetkizip, brazılııalyq Danıel Alvestiń pasynan keıin esep ashty. Al 44-mınýtta D.Alveske kezek keldi.
Monakodaǵy alǵashqy oıynda da tamasha oınap, ókshesimen pas berip, gol soǵýǵa jaǵdaı jasaǵan Danıel Alves Sýbashıch qaıtarǵan dopty aıyp alańyna kirmesten, shirene teýip, qaqpadan bir-aq shyǵardy.
Ekinshi taımda K.Mbappe-Lottın óziniń sheberligi tolysyp kele jatqanyn kórsete bildi. Bar bolǵany 18 jastaǵy shabýylshynyń soqqan dobyn 67-mınýtta asa tájirıbeli, 39 jasar Býffon qaıtara bildi. Áıtse de eki mınýttan keıin Kılıan degenine jetip, esepti qysqartty. Býffonnyń qaqpasyna gol soǵý - ol úshin, árıne, úlken jetistik. Budan keıin komandalar qansha tyrysqanymen, esep ózgergen joq.
Osylaısha, eki eldiń chempıony (taıaý kúnderi «ıÝventýs» altynshy ret qatarynan jeńimpaz atanyp, Italııa birinshiliginiń tarıhynda rekordtyq kórsetkishke qol jetkizgeli otyr) betpe-bet kelgen jartylaı fınaldyq básekede ıtalıandyqtardyń sheberligi áldeqaıda basym boldy.
Aıta keteıik, M.Allegrı budan eki jyl buryn «ıÝventýsty» chempıondar lıgasynyń fınalyna shyǵaryp, onda «Barselonadan» 1:3 esebimen jeńilip qalǵan bolatyn. Bıyl sol «Barselonany» shırek fınalda joldan taıdyrǵan ıtalıandyq klýb 3 maýsym kúni Kardıff (Ýels) qalasyndaǵy «Mıllenıým» stadıonynda ótetin fınaldyq matchta taǵy bir ıspanııalyq komandamen kezdesedi. Onyń qarsylasy qos madrıdtik klýb «Atletıko» men «Realdyń» bireýi bolmaqshy. Bul básekede óz alańyndaǵy birinshi matchta 3:0 esebimen (het-trıktiń avtory - portýgalııalyq Krıshtıaný Ronaldý) «Atletıkony» utqan «Realdyń» múmkindigi joǵary. Ekinshi fınalıst 11 mamyrǵa qaraǵan túni anyqtalady.
