Fýtbol, ıoga, tennıs – Qazaqstan mınıstrleri qandaı sportpen shuǵyldanady
ASTANA. QazAqparat – Elimizde ár apta sporttyq is-sharalarǵa toly: shahmattan álem chempıonaty, Bıllı Djın Kıng kýbogy, jappaı júgirý ótti. Sportqa balalar da, eresekter de beı-jaı qaramaıdy. Osy oraıda QazAqparat agenttigi el mınıstrleriniń qandaı sportpen aınalysatynyna sholý jasap kórdi.
Ásirese Mádenıet jáne sport mınıstri Ashat Oralov óte belsendi ómir saltyn ustanady. Vedomstvo basshysy júzýmen, ústel tennısimen, fýtbolmen aınalysady, sonymen qatar kúres pen atqa minýdi unatady.
Aýyl sharýashylyǵy mınıstri Erbol Qarashókeev fýtboldy jaqsy kóredi, dostarymen jáne áriptesterimen oınaıdy. Múmkindiginshe sportzalda jattyǵý jasaıdy, biraq tyǵyz jumys kestesine baılanysty mınıstr onda jıi bara bermeıdi.
Bilim mınıstri Ǵanı Beısembaev jas kezinen bastap karate jáne dzıýdomen aınalysqan. Qazir vedomstvo basshysy belsendi ómir saltyn ustanýǵa tyrysady jáne skandınavııalyq serýen men shahmat oıyndaryna ýaqyt tabady.
Qarjy mınıstri Erulan Jamaýbaev aptasyna eki ret fýtbol oınaıdy.
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın úıinde ıogamen aınalysady jáne fıtneske turaqty barýǵa tyrysady.
Ekologııa jáne tabıǵı resýrstar mınıstri Zúlfııa Súleımenova da ıogany jaqsy kóredi, jattyǵý zalyna barady, sondaı-aq kúshke baǵyttalǵan jattyǵýlarymen aınalysady.
Densaýlyq saqtaý mınıstri Ajar Ǵınııat ta ıogaǵa kóbirek kóńil bóledi jáne serýendeıdi.
Ádilet mınıstri Azamat Esqaraev múmkindiginshe sportzalǵa barady, sondaı-aq jekpe-jekpen (sporttyq jekpe-jek túri) aınalysady.
Ulttyq ekonomıka mınıstri Álibek Qýantyrov tyǵyz jumys kestesine qaramastan, sportqa ýaqyt taýyp, fıtneske jáne júzýge barady. Ýnıversıtette oqyp júrgende mınıstr fakýltet atynan júzý jarystaryna qatysyp, taı boksymen aınalysqan (mýaı-taı).
Tótenshe jaǵdaılar mınıstri ıÝrıı Ilın fızıkalyq belsendilikti qoldaıdy jáne sportpen shuǵyldanýǵa ýaqyt taýyp, rejımdi barynsha ustanady. Mınıstr men vedomstvonyń jáne barlyq bólimsheleriniń qyzmetkerleri úshin sport - qyzmettik jáne jaýyngerlik daıarlyqta kózdelgen mindetti shart. Múmkindiginshe mınıstrdiń kúndelikti kestesinde dene shynyqtyrýǵa arnaıy ýaqyt bólinedi. Mınıstr fýtboldy jaqsy kóredi, oǵan qosa hokkeıdiń jankúıeri.
Al Іshki ister mınıstri Marat Ahmetjanov úlken tennıs oınaıdy. Ol týrnırlerge qatysady jáne birneshe ret jeńiske jetken.
Sybaılas jemqorlyqqa qarsy is-qımyl agenttiginiń tóraǵasy Ashat Jumaǵalı bokspen aınalysady jáne Instagram-da jattyǵýlardan túsken sýretterin jıi jarııalaıdy.
