Fýtbol: XIX-shy álem chempıonatynda eń iri nátıje tirkeldi
ASTANA. Maýsymnyń 22-i. QazAqparat /Ernur Aqanbaı/ - Ońtústik Afrıka Respýblıkasynda ótip jatqan fýtboldan XIX álem chempıonatynda 2008 jylǵy Eýropanyń myqty komandasy - Ispanııa quramasy alǵashqy jeńisine qol jetkizdi.
«F» tobynda óner kórsetetin olar toptyq týrnırdegi ekinshi oıynynda 2:0 esebimen Gondýrasty jeńdi. Sóıtip ıspanııalyqtar 3 upaıdy enshilep, kelesi kezeńge shyǵatyn múkindigin saqtap qaldy. Bul toptaǵy taǵy bir oıynda Chılı Shveıtsarııany 1:0 esebimen jeńdi, sóıtip qatarynan eki oıynda jeńiske jetken chılılikter is júzinde kelesi kezeńge shyǵyp qoıdy. Bul toptan kelesi kezeńge shyǵatyn taǵy bir komanda sońǵy týrda anyqtalady.
Sondaı-aq, álem chempıonatynyń on birinshi jarys kúninde eń iri esep tirkeldi. «G» tobynda synǵa túsip jatqan Portýgalııa Koreıa Halyq Demokratııalyq Respýblıkasynyń quramasyn 7:0 esebimen tas-talqan etti. Sóıtip eki matchtan keıin tórt upaı jınap, Brazılııa quramasynen keıingi ekinshi orynǵa jaıǵasty. Bul topta álemniń bes dúrkin jeńimpazy Brazılııa ekinshi týrdan keıin-aq kelesi kezeńge shyǵyp qoıǵan. Ekinshi joldamanyń taǵdyry sońǵy týrda sheshiledi. Kelesi kezeńge toptan ekinshi orynmen shyǵýǵa Portýgalııa jáne Kot d Ivýar komandalarynyń múmkindigi bar. Deıturǵanmen, bulardyń ishinde Portýgalııanyń múmkindigi molyraq. 1/-8-shi fınalǵa shyǵýy úshin portýgalııalyqtarǵa Brazılııamen teń oınasa da jetip jatyr.
Búgin, «A» tobyndaǵy komandalar toptyq týrnırdegi sońǵy matchtaryn ótkizedi. Bul topta kósh basynda turǵan Ýrýgvaı jáne Meksıka (ekeýinde de 4 upaıdan bar) quramalary ózara sheberlik baıqasady, sondaı-aq Frantsııa men Ońtústik Afrıka Respýblıkasy (ekeýinde de 1 upaıdan bar) komandalary kezdesedi. Sondaı-aq, búgin «V» tobynda óner kórsetetin Grekııa jáne Argentına quramalary kezdesedi.
Aıta keteıik, búginge deıin Argentına, Gollandııa, Brazılııa jáne Chılı quramalary toptyq týrnır aıaqtalmastan 1/8-shi fınalǵa shyǵyp qoıdy. Bul komandalardyń barlyǵy óz toptaryndaǵy alǵashqy eki matchta qarsylastarynan basym tústi, sóıtip 6 upaıdan jınap kelesi kezeńniń joldamasyna ıe boldy.
