Fýtbol: Ulttyq quramanyń oıynshysy «Tobylǵa» aýysty
QOSTANAI. QazAqparat - Qazaqstan ulttyq quramasynyń shabýylshysy Baýyrjan Turysbek «Tobylǵa» aýysty, dep habarlaıdy QazAqparat tilshisi.
Klýbtyń baspasóz hatshysy Konstantın Doljanskııdiń aıtýynsha, jas shabýylshy eki jylǵa kelisim-shartqa otyrdy. Baýyrjan Turysbek kásibı mansabyn Taldyqorǵannyń "Jetisý-Suńqar" klýbynan bastady. Keıin serbııalyq "Radnıchkı" komandasyna aýysty.
«Serbııa sýperlıgasynda óner kórsetip kelgen Baýyrjan birden jankúıerler nazaryna ilikti. Fýtbol mamandary ótken maýsymda «Qaırat» úshin asa mańyzdy básekelerde mergendik tanytqan jas shabýylshyny ulttyq quramaǵa tartty. Boıynda shabýylshyǵa qajetti qabiletter jeterlik fýtbolshynyń bolashaǵy zor», - deıdi oblystyq fýtbol federatsııasynyń vıtse-prezıdenti Bolat Ysqaqov.
Turysbek 2016 jyly «Qaıratpen» 3,5 jylǵa kelisim-shart jasasqan. Byltyr almatylyqtar sapynda 14 matchqa qatysyp, 5 gol soqty.
