Fýtbol: Ulttyq quramanyń erteńgi matchyna baılanysty qosymsha avtobýstar shyǵarylady

ASTANA. QazAqparat – 26 naýryzda «Astana-Arena» stadıonynda Qazaqstan men Danııanyń fýtbol quramalary kezdesedi, dep habarlaıdy QazAqparat tilshisi.

«Jankúıerlerge yńǵaıly bolý úshin matchtan soń qosymsha №10, 12, 26, 28, 37, 40, 51, 53, 60, 303 qalalyq jáne qala mańy baǵdarlary uıymdastyrylady.

Avtobýstar jankúıerlerdi matchtan keıin aıaldamalarda kútedi. Matchtyń bastalýy – saǵat 19:00. Jol aqysy – 90 teńge, tólem kólik kartasymen nemese QR-kod skanerleý arqyly iske asady. Jeńildigi bar kólik kartalary da jaramdy», - dep jazylǵan «City Transportation Systems» JShS telegram arnasynda.

Eske salaıyq, erteń Astanada fýtboldan 2024 jylǵy Eýropa chempıonaty irikteý satysy aıasynda Qazaqstan - Danııa matchy ótedi. Kezdesý «Qazsport» telearnasynan tikeleı efırde kórsetiledi. Oıynda serbııalyq Novak Sımovıch bas tóreshi qyzmetin atqarady. Oǵan otandastary Nıkola Djorovıch pen Mılosh Sımovıch kómekshilik jasaıdy. Qosalqy tóreshi de – serbııalyq Lazar Lýkıch.