Fýtbol: Ulttyq quramalardyń qańtar aıyndaǵy reıtıngi jarııalandy
NUR-SULTAN. QazAqparat - Halyqaralyq fýtbol federatsııasy (FIFA) ulttyq quramalardyń 2021 jyldyń alǵashqy aıyndaǵy reıtıngin jarııalady, dep habarlaıdy QazAqparat tilshisi.
Qazaqstan fýtbolshylary 112-oryndy saqtap qaldy. Byltyrǵy jyldy qurama dál osy orynda aıaqtaǵan edi.
Reıtıngte Belgııa kósh bastap tur. Odan keıingi oryndarda Frantsııa, Brazılııa keledi. Kelesi kezekte Anglııa, Portýgalııa, Ispanııa, Argentına, Ýrýgvaı, Meksıka jáne Italııa quramalary jaıǵasqan.
Esterińizge sala ketelik, 24 naýryzda 2022 álem chempıonatynyń Eýropa qurlyǵyndaǵy irikteý kezeńi bastalady. Qazaqstan D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa quramalary. Qazaqstandyq fýtbolshylar alǵashqy oıynyn óz alańynda Frantsııa quramasyna qarsy ótkizedi.
