Fýtbol: Ulttar lıgasynyń talaby men erejesi qandaı
ASTANA. QazAqparat - Búgin, 6 qyrkúıekte ÝEFA fýtboldan Ulttar lıgasy týrnıriniń shymyldyǵyn túredi. Atalmysh dop dodasy jankúıerler tarapynan zor qyzyǵýshylyq týǵyzyp otyr, dep habarlaıdy QazAqparat tilshisi.
Uıymdastyrýshy mamandar jaǵa týrnırdiń maqsaty jaıynda bylaı túsindirip ótti. Ádette, quramalar tarapynan kóptegen joldastyq oıyndar ótkizedi. Sol oıyndardy resmı matchtarǵa aınaldyrý arqyly quramalar deńgeıin arttyrýǵa ábden bolady. Óıtkeni, keıbirde joldastyq kezdesýge asa qyzyǵýshylyq bolmaı jatatyny jasyryn emes. Al resmı oıyndar mamandar jáne jankúıerler tarapynan da qyzyǵýshylyq týǵyzady. Sondaı-aq, bir deńgeıdegi quramalar ózara sheberlik baıqasyp, tájirıbe jınaqtaı alady.
Búginde ÝEFA quramynda 55 qurama bar. ÝEFA 2017 jyldyń 11 qazanyndaǵy reıtıng boıynsha olardy tórt lıgaǵa bóldi. Aldyńǵy qatarly úzdik quramalar A lıgasynda synǵa túsedi. Odan deńgeıi birshama tómeni V tobynda baq synaıdy. Ortanqol quramalar S tobynda sheberlik baıqassa, D tobynda álsiz degenderi oınaıdy. Árbir lıgada tórt toptan bar. Olardyń árbirinde 3-4 quramadan bar. Ústimizdegi jyldyń qyrkúıek jáne qarasha aılarynda olar óz jáne syrt alańda árbir qarsylasymen sheberlik baıqasady. Osynyń nátıjesinde halyqaralyq fýtbol kúntizbesine sáıkes tórt nemese alty oıynnan ótkizýine múmkindik bar. A lıgasynan ózgesindegi top jeńimpazdarynyń deńgeıi joǵarylaı túsedi. Al sońǵy orynda bolǵany kelesi týrnırdi tómengi lıgadan bastaýǵa májbúr.
Jarys erejesine sáıkes A lıgasynyń tórt jeńimpazy 2019 jyldyń maýsym aıynda jalaýyn kóteretin fınaldyq kezeńge joldama alady. Onda jartylaı fınal, úshinshi oryn úshin saıys jáne fınal oınalady. Fınaldyq oıynnyń ıesi tórt úzdik quramanyń arasynan anyqtalady. Bul sheshim ústimizdegi jyldyń jeltoqsanynda ótetin ÝEFA Atqarýshy komıtetiniń otyrysynda qabyldanady. Osylaısha Eýropa quramalary atalmysh lıga jeńimpazy ataný úshin, árbir lıgadaǵy oıynyn saqtap qalý úshin synǵa túsedi.
A lıgasynda 12 úzdik qurama synǵa túsedi. Odan keıingi 12 qurama V, 15-i S lıgalarynda dop tepse, D lıgasynda 16 qurama bar. A jáne V lıgalarynda ár topta úsh quramadan bolady. Al S lıgasynda bir topta úsh qurama bolsa, úsh topta tórt quramadan ornalasady. D lıgasynda barlyǵynda tórt quramadan bar.
Ulttar lıgasy toptyq kezeńiniń jerebesi 2018 jyldyń 24 qańtarynda tartyldy. A lıgasyndaǵy birinshi topta Germanııa, Gollandııa, Frantsııa, ekinshi topta Shveıtsarııa, Belgııa, Islandııa, úshinshi topta Portýgalııa, Polsha, Italııa, tórtinshi topta Anglııa, Horvatııa, Ispanııa quramalarynyń joldary túıisti. V lıgasynyń birinshi tobynda Chehııa, Slovakııa, Ýkraına, ekinshisinde Shvetsııa, Reseı, Túrkııa, úshinshisinde Soltústik Irlandııa, Avstrııa, Bosnııa jáne Gertsogovına, tórtinshisinde Danııa, Irlandııa, Ýels oınaıdy. S lıgasynda birinshi topta Shotlandııa, Izraıl, Albanııa, ekinshisinde Grekııa, Estonııa, Fınlıandııa, Vengrııa, úshinshisinde Bolgarııa, Slovenııa, Kıpr, Norvegııa, tórtinshisinde Serbııa, Lıtva, Chernogorııa, Serbııa baq synaıdy.
Budan buryn habarlaǵanymyzdaı, D lıgasynda birinshi topta Qazaqstan, Grýzııa, Latvııa, Andorra, ekinshisinde Moldavııa, Belarýs, Lıýksembýrg jáne San-Marıno, úshinshisinde Ázerbaıjan, Malta, Farer araldary jáne Kosovo, tórtinshisinde Armenııa, Makedonııa, Lıhtenshteın jáne Gıbraltar quramalary synǵa túsedi.
Ulttar lıgasynyń alǵashqy týry 6-8 qyrkúıek, 2-týry 9-11 qyrkúıek, 3-týry 11-13 qazan, 4-týry 14-16 qazan, 5-týry 15-17 qarasha, 6-týry 18-20 qarasha kúnderi ótedi.
Eske sala ketelik, búgin Qazaqstan quramasy atalmysh lıga oıyndary aıasynda óz alańynda Grýzııa quramasyn qabyldaıdy. Kezdesý «Qazsport» telearnasynan tikeleı efırde kórsetiledi.
