Fýtbol: Ýkraına men Reseı fýtbol klýbtary TMD chempıonatyn ótkizýdi usynyp otyr
ASTANA. 4 jeltoqsan. QazAqparat - "TMD fýtbol chempıonatynyń bel ortasynda ýkraınalyq jáne reseılik klýbtar júrer edi", dedi "Gazprom" basshysy Alekseı Mıller Ystambulda 3 jeltoqsan kúni "Interfaks" tilshisine.
"Mundaı chempıonat óte qalsa, qansha komanda qatysýy múmkin?" degen suraqqa ol: "Eger barlyq TMD elderi qatyssa, tamasha bolar edi. Jýyr ýaqytta naqty jumys atqarylsa, bul saýalǵa da jaýap tabylady. Bir nárse anyq - bul chempıonattyń negizin ýkraınalyq jáne reseılik klýbtar qurar edi",- dedi.
Ótken juma kúni Reseı prezıdenti ákimshiliginiń basshysy Sergeı Ivanov fýtboldan TMD chempıonatyn ótkizý týraly ıdeıany qoldap shyqqan edi. Ol mundaı básekede tórt-bes TMD eliniń úzdik klýbtary oınasa, tartymdy bolar edi degen pikir aıtqan.
Ivanovtyń sózinshe, mundaı usynys Ýkraına men Reseı fýtbol klýbtarynan túsken, dep habarlaıdy «Azattyq».
