Fýtbol: Ýkraına quramasy da álem chempıonatynan tys qaldy
ASTANA. Qarashanyń 19-y. QazAqparat -2010 jylǵy fýtboldan Olımpıada chempıonatynyń fınalyna qatysý quqyǵy úshin Grekııa men Ýkraına quramalarynyń arasynda ótken kezdesý grekııalyqtardyń jeńisimen ( 0:1 esebimen) aıaqtaldy,
dep habarlaıdy RBK agenttigi.
Ýkraınanyń Donetsk qalasynda ótken bul kezdesýdiń jalǵyz golyn oıynnyń 31-shi mınýtynda grekııalyqtardyń shabýylshysy Dımıtrıos Salpıgıdıs soqty. Oıynnyń qalǵan bóligi ýkraınalyq quramanyń basymdyǵymen ótkenimen, olar gol soǵa almady. Osylaısha, grekter óz tarıhynda ekinshi ret Álem chempıonatyna joldama alyp otyr. Alǵashqy joldamalaryn olar 1994 jylǵy chempıonatqa alǵan bolatyn.
