Fýtbol: ÝEFA prezıdenti M. Platını Qazaqstan kýbogy úshin jarystyń fınaldyq matchyna keledi
ASTANA. Qazannyń 22-si. QazAqparat /Ernur Aqanbaı/ - Qarashanyń 15-inde elordadaǵy «Astana-Arena» stadıonynda fýtboldan 2009 jylǵy Qazaqstan kýbogy úshin jarystyń fınaldyq matchy ótedi.
Oǵan qurmetti qonaq retinde ÝEFA prezıdenti Mıshel Platını keledi, dep habarlaıdy QazAqparat.
Qazaqstan fýtbol federatsııasynyń málimetinshe, bul «Altyn doptyń» úsh dúrkin ıegeriniń bizdiń elge úshinshi jáne eýropalyq fýtboldyń basshysy dárejesindegi ekinshi sapary bolmaq. «2008 jyldyń shilde aıynda Mıshel Platını Astanada saparmen boldy, onyń aıasynda Qazaqstan Respýblıkasynyń Prezıdenti Nursultan Nazarbaevpen kezdesti. Budan bólek, ÝEFA prezıdenti Qazaqstandaǵy fýtboldy damytý baǵdarlamasynyń jobasymen tanysty, elordanyń sporttyq nysandarynda boldy. Ol nysandardyń qatarynda sol kezde salynyp jatqan 30 myń oryndyq «Astana-Arena» stadıony da boldy. Endi ÝEFA prezıdenti 2009 jylǵy Qazaqstan kýbogynyń fınaldyq matchyn qabyldaıtyn stadıonǵa taǵy da keledi. Eýropa fýtbol odaǵy prezıdentimen sapary kezinde ÝEFA-nyń vıtse-prezıdenti Marıos Lefkarıtıs jáne ÝEFA-nyń ulttyq qaýymdastyǵy bólimshesiniń dırektory Teodor Teodorıdıs erip júredi», delingen Qazaqstan fýtbol federatsııasynyń habarlamasynda.
