FÝTBOL: ÝEFA Ázerbaıjan fýtbolshylarynyń tilegine qarsy boldy
ASTANA. QazAqparat - Chempıondar Lıgasynyń 3-shi biliktilik kezeńinde avstrııalyq «Red býlǵa» qarsy oıynaıtyn «Qarabah» komandasynyń oıyn aldyndaǵy usynysyna ÝEFA qarsylyq tanytty, dep habarlady Azerisport.com.
Ázerbaıjan fýtbolshylary qaqtyǵys aımaǵynda qaza tapqan sarbazdarǵa qurmet kórsetý úshin oıyn alańyna qara jolaqty qazanama belgisin taǵyp shyqqysy kelgen. Alaıda, ÝEFA oǵan ruqsat etken joq. ÝEFA basshylyǵy onyń sebebin fýtboldy saıasatpen shatastyrýǵa bolmaıtyndyqpen túsindirgen.
Aıta keteıik, sońǵy ýaqytta Armenııa men Ázerbaıjan arasynda Taýly Qarabah máselesi qaıta ýshyǵyp, qarýly qaqtyǵys kesirinen 25 adam qaza tapty.
