FÝTBOL: ÝEFA 2014 jylǵy eń úzdik oıynshylardy atady
ASTANA. QazAqparat - Eýropalyq fýtbol qaýymdastyqtary odaǵy 2014 jylǵy eń úzdik oıynshylarynyń sımvoldyq «quramasyn» atady.
Quramynda sońǵy jyldardaǵy úzdik fýtbolshylar Krıshtıaný Ronaldý men Lıonel Messı kirgen komandany tańdaǵanda ÝEFA-nyń resmı saıtynyń paıdalanýshylary rekordty 8,6 mıllıonnan astam daýys bergen. Qaqpashy: Manýel Noıer ("Bavarııa", Germanııa quramasy). Qorǵaýshylar: Serhıo Ramos ("Real", Ispanııa quramasy); Dıego Godın ("Atletıko", Ýrýgvaı quramasy); Fılıpp Lam ("Bavarııa", Germanııa quramasy); Davıd Alaba ("Bavarııa", Avstrııa quramasy). Jartylaı qorǵaýshylar: Aren Robben ("Bavarııa", Nıderlandy quramasy); Anhel Dı Marııa ("Real"/"Manchester ıÝnaıted", Argentına quramasy); Tonı Kroos ("Bavarııa"/"Real", Germanııa quramasy). Shabýylshylar: Lıonel Messı ("Barselona", Argentına quramasy); Zlatan Ibragımovıch ("Parı Sen-Jermen", Shvetsııa quramasy); Krıshtıaný Ronaldý ("Real", Portýgalııa quramasy). Daýystardyń kóp bóligi Ronaldýǵa berildi (623 046). Ótken jyl onyń karerasyndaǵy jemisti jyl boldy. Ronaldý Ispanııa Kýbogynda, chempıondar Lıgasynda, ÝEFA Sýperkýbogy men klýbtyń álem chempıonatynda jeńiske jetti. Sonymen qatar ol irikteý kezeńderdi esepke alǵanda Eýropa chempıonaty tarıhyndaǵy úzdik shabýylshy (23), toptyq kezeńde gol soǵý boıynsha rekord ornatyp (11), chempıondar lıgasyndaǵy úzdik snaıper (17), osy maýsymynyń birinshi bóligindegi úzdik shabýylshy (25) atandy. Messı 2014 jyly chempıondar lıgasynyń tarıhynda úzdik shabýylshy, "Realdyń" burynǵy forvardy Raýldan ozyp, katalondyq derbı tarıhyndaǵy úzdik snaıper, bir klýbta 400 gol soqqan ıspandyq fýtbol tarıhyndaǵy alǵashqy oıynshy atandy, dep habarlaıdy rg.ru.
